ஆன்லைன் யுகத்தில் விஐபிக்களின் பாடு திண்டாட்டம்தான். எதைச் செய்தாலும் கவனிக்கப்படுகிறது, அதை விட முக்கியமாக விமர்சிக்கப்படுகிறது.
செல்ஃபிக்கு எதிரியே செல்ஃபி எடுத்தார். டிவிட்டரில் நேற்று அதிகம் பகிரப்பட்டது இந்த ஃபோட்டோவும், செய்தியும்தான்.
விமானத்தை அண்ணாந்து பார்த்த சிறுவனாக இருந்து ஒரு விமானக் கம்பெனியையே நடத்தியவர் ஸ்பைஸ் ஜெட் உரிமையாளர். அவருடைய வாழ்க்கை வரலாறுதான் சூரரைப் போற்று. சூர்யா நடித்துள்ள இந்தப் படத்தின் பாடல் ஸ்பைஸ்ஜெட் விமானத்தில் வெளியானது. அந்த விமானத்தில் சிறப்பு விருந்தினர்களுடன் வந்த சிவகுமார் குஷியாக செல்ஃபி எடுத்தார். அதை ஆன்லைனிலும் வெளியிட்டார். அவ்வளவுதான் டிவிட்டர் உலகம் ஆளுக்கொரு திசையில் நின்று கொண்டு சிவகுமாரை உண்டு, இல்லை எனப் பண்ணிவிட்டது.
ஆனால் சில மாதங்களுக்கு முன்பு, தன்னுட்ன் செல்ஃபி எடுத்த இளைஞரின் ஃபோனை அவர் தட்டி விட்டார். அது பலத்த விமர்சனத்துக்குள்ளானது.
இப்போது அவரே ஒரு செல்ஃபி எடுத்திருக்கிறார். இந்த ஃபோட்டோவை நெட்டிசன்கள் கலாய்த்து வருகிறார்கள். ஆனால் அவர் தன்னுடைய அனுமதி இல்லாமல் எடுக்கப்பட்ட செல்ஃபியைத்தான் கண்டித்தார். அதனால் அவர் செல்ஃபி எடுப்பதற்கே எதிரானவர் போல சொல்வது தவறு என்று வேறு சிலர் ஆதரவு தெரிவித்து வருகிறார்கள்.
