Log in

Register



இயக்குநர் விசு படமென்றாலே நிறைய கதாபத்திரங்களை கொண்டவர்கள் இருப்பாங்க. ஒவ்வொரு கதாபாத்திரமும் தரமான உறவைகளை ஞாபகப்படுத்தும். இந்த படம் பட்டுக்கோட்டை பெரியப்பா, பாதியிலிலே நின்னுப்போன தன்னோட தம்பி மகன் கல்யாணத்த அழையா விருந்தாளி பெரியப்பா வந்து எப்படி நடத்தி வைக்கறாரு என்பதுதான் கதை. அதுல எனக்கு பிடித்தது, ஒரு சில விஷயம் என் மனதில் பதிந்த விஷயத்த பகிர்றேன்.
 
பார்த்தத்தில் பிடித்தது
 
1) 38 வயது நிரம்பிய கல்யாணமாகாத கல்யாணமாக ஆசையே இல்லாத பெண். தைரியமானவள். ஒரு நிறுவனத்துல president யாக இருக்கக்கூடியவளுக்கு தான் ஒரு தலைவிக்கு நிகரானவள் என்ற கணம் இருக்கு. தன்னோட புகழ பாடனும். தன்னைப்பற்றி எல்லாருக்கும் தெரிஞ்சிருக்கும். தான் சொன்ன உடனே ஏன்னுக் கேக்காம செய்யுறவங்க தன்னோட இருக்கனும். இப்படி எல்லாம் இருக்கனும் என்று ஆசையுள்ள ஒரு பெண். 
 
2) இந்த கதையின் நாயகன். வாய திரிந்துப்பேச தெரியாத பையன். அம்மா சொல்லறது செய்யறது எல்லாம் சரினும் உண்மையுனும் நம்பக்கூடியவன். இவனுக்கு கூழுக்கும் ஆசை மீசைக்கும் ஆசை. அதான் அம்மாவும் வேணாம். அம்மா வேண்டாம்னு சொல்லற பொன்னும் வேணும். இப்படியொரு ஹீரோவா...
 
3) இந்த படத்தின் கதாநாயகி, தன் வாழ்க்கையின் முடிவை தான் எடுக்க முடியலையே. அம்மாவும் அண்ணனும்தானே எடுக்கறாங்க. எனக்கு வேணும், எது மேல எனக்கு ஆசைனு கேக்க கூட மாட்டறாங்கனு ஏங்கிப்போயி சிவனேனு ஒரு வாழ்க்கை வாழும் பொன்னு.
 
4) கதாநாயகனோட சொந்த தாய் மாமா. 40 வயது ஆச்சு எனக்கொரு கல்யாண பண்ணி வைக்க அக்காக்கு தோன்னலையே..இப்படி எப்படா எனக்கு கல்யாணமாகும் நாக்க தொங்க போடும் திரியுற ஆள்ளு. இவனுக்கு கல்யாணம் ஆகலனு  கல்யாணமாக போறவங்கள பிரிச்சுல விடறான்.
 
5) தலைவிக்கு ஒரு தம்பி, அவன் ஒரு டி.டி.ஆர் அதனாலையோ என்னவோ தெரியல. அவன் வாயில இருந்து வர வார்த்த எல்லாமே டிரெயின் சமந்தமதான் இருக்கும். டிரெயின் பத்தி பேசாம இருக்கவே முடியாது அவனால. அதுமட்டும் கல்யாணம் அப்படினு தனக்கு ஒன்னு நடந்தா அதுல ஒரு தியாகம் இருக்கும்னு நினைப்பவன்.
 
6) அப்படி இவன் பண்ண தியாகம். என்னன்னா,  பிறந்ததுல இருந்து ஆம்பிள குறள் ல பேசற 
பொன்னுக்கு பெருந்தன்மையா வாழ்க்கைக்கொடுத்திட்டான். 
 
7) இத தாண்டி, கதாநாயகன் வேலைச்செய்யற ஆபிஸ் ல ஒரு களக். பார் டைம் மா கை ஜோசியம் பாக்கறான். அவனுக்கு கொஞ்சம் சபல புத்தி. ஜோசியம் பாக்கறேனு சொல்லி எல்லா பொன்னுகளையும் தொடுவான். அதனால ஆபிஸ் ல ஒரு குண்டு கட்டி அதுக்குள்ளே வேலைச்செய்ய சொல்லிருப்பாங்க. அது ரொம்ப காமெடியா இருக்கும். நடைமுறையில அப்படி நடந்தா வேலைய விட்டே தூக்கிடுவாங்க. 
 
இப்படி பல கதாபாத்திரங்கள் நிறைந்த இந்த படத்தில் எனக்கு பிடித்த சில  கதாபாத்திர வடிவமைப்புகள் தான் இப்படத்தைப் பற்றிய தன்னுடைய பகிர்வு. 
 
-கீதாபாண்டியன்
 
 
Published in Classic Movies
டிரைலர் எப்படி இருக்கு? 
 
நாட்டுல எவ்வளவோ கொட்டிய நோய் இருக்கு. எவ்வளவோ குறை இருக்கற மக்களும் இருந்திருக்காங்க. 
 
அதுல குழந்தை இல்ல அப்படிங்கறது ஒரு குறையாக இருந்த காலம் போயி அதொரு வியாதியாக மாறிய காலத்திற்கு வந்திட்டோமோனு யோசிக்க வைக்குது டிரைலர்.
 
புதுசா இணைந்திருக்க கூட்டணி ஹரிஸ் விவேக் கூட்டணி. விவேக் சினிமாவின் மிடில் காலத்துல இருந்து பல கருத்துக்களைச் சொல்லி யோசிக்க வைக்கற வகையில நகைச்சுவை பண்ணிட்டு வந்திருக்காரு. இன்றைய பல முன்னால் நடிகரோட முதன்மையான பல காமெடிகளில் இவருக்கும் முக்கிய பங்கு இருக்கு. அந்த மாதிரி கடந்த சில வருடமாக இன்றைய பல புது நடிகர்களோட வெற்றி கூட்டணி அடிக்கறாரு விவேக்.
 
இந்த படத்துல காமெடிக்கு பஞ்சமே இல்ல. மருத்துவர் கதாபாத்திரத்தை ஏற்று நடிக்காரு. இந்த காலத்துல கல்யாணமானவங்களுக்கு குழந்தை இல்லங்கறது ஒரு பிரச்சனை என்றாலும் இப்படியொரு நிலைக்குப்போறதுக்கு Health condition சரியாகவும் இல்லை என்பதும் முக்கியமான பாய்ன்ட்.
 
இந்த நிலை நீடித்துக்கொண்டே போனால், கண், சிறுநீரகம், இதயம் மாற்றுச்சிகிச்சை பண்ணற மாதிரி நல்ல Healthy யான ஆண் உடம்புல இருந்து "ஸ்பேம்" எடுத்து பெண்கள் உடலில் செலுத்துவதுப் போன்ற சிகிச்சை பண்ணி குழந்தைப்பிறக்க வைப்பதான் ஒரே வழி.
 
நம் சுற்றுச்சூழல், உடலுக்கு கேடு தருக்கிற உணவு மற்றும் போதைப்பொருள்கள், மரபணு பிரச்சனை போன்ற எதோயொரு காரணத்தினால், நமது அடுத்த சந்ததியை நம்மால் உருவாக்க முடியாமல் போனால்  நமக்கு குழந்தைப்பிறக்க ஸ்பேம் கூட கடன் வாங்கிதான் அடுத்த சந்ததியை உருவாக்க முடியும் என்று தற்கால பிரச்சனை உடைய தீர்வை படத்துல சொல்லிருக்காங்க போல.
 
அப்படியொரு விஷயம் நடைமுறைக்க வர,  இது சரி தவறா? கலாசாரம் இடம் கொடுக்குமானு பல எதிர்ப்புகளையும்  டிரைலர்ல காட்டிருக்காங்க. அப்படி ஸ்பேம் கொடுக்கறனால டோனேட் பண்ணறவங்க வாழ்க்கையில வருகிற பிரச்சனை பற்றியும் படம் பேசிருக்குப்போல. 
 
நகைச்சவை கலந்து, ஒரு முக்கியமான பிரச்சனைக்கு தீர்வுச்சொல்லிருக்கு படம். யாருக்கெல்லாம் ஸ்பேம் வேணுமோ தாராளமா அள்ளிக்கொடுத்திருக்காரு ஹரிஸ். தாராள பிரபு டிரைலர் எப்படி இருக்கு.. 
 
உங்களுக்கு "ஸ்பேம்" வேணுமா? விரைவில் திரை அரங்கில்
 
-கீதாபாண்டியன்
Published in Cine bytes

வெள்ளைப் பூக்கள்! லோ பட்ஜெட்டில் தமிழ் நடிகர்களை வைத்துக் கொண்டு எடுக்கப்பட்ட ஆங்கில இண்டிபெண்டன்ட் படம் போல இருக்கிறது.

 எதை நினைத்தார்களோ அதை நிதானமாக எடுத்திருக்கிறார்கள். ஸ்க்ரிப்டிலிருந்து ஸ்கரீனுக்கு மாற்றும்போது வரக்கூடிய எந்தக் குழப்பங்களும் இல்லை. தெளிவு! ஆனாலும் . . .

தமிழ்படம் என்று முடிவு செய்தபின் எதனால் முக்கிய கதாபாத்திரங்களை அமெரிக்கர்களாக மாற்றினார்கள் எனத் தெரியவில்லை.

குறிப்பாக விவேக்கின் மருமகளை அமெரிக்க பெண்ணாக சித்தரிக்காமல், தமிழ் பெண்ணாகவே காண்பித்திருந்தால் இந்தப் படம் கோடம்பாக்கத்தை கவர்ந்திருக்கும்.

சுவர்கள் இல்லாத வெள்ளை அறைகளில் கதாபாத்திரங்களை உட்கார வைத்து ஒருவரையொருவர் பேச வைத்து திரைக்கதை முடிச்சுகளை அவிழ்ப்பது நல்ல உத்தி. ஆனால் இது பிலிம் ஸ்கூலில் படித்துவிட்டு வருபவர்கள் வழக்கமாகக் கையாளும் பழைய உத்தி. தமிழ் சூழலுக்கு இது பொருந்துவதே இல்லை.

விவேக் - சார்லி இணை பரவாயில்லை, போரடிக்கவில்லை. இவர்களுக்குப் பதில் அஜித் - அர்ஜீன், கமல் - பிரதாப் போத்தன் என விதவிதமான ஸ்டார் பவர் உள்ள காம்பினேஷன்களை இந்த கதாபாத்திரங்களுக்குள் பொருத்த முடியும். வெள்ளைப் பூக்கள் உண்மையிலேயே பெரிய நடிகர்களுக்கான கதைக்களம்.

தோட்டமாக வந்திருக்க வேண்டிய படம் தொட்டிச் செடியாக வந்திருக்கிறது. பொறுமையாக இரசிக்கலாம்... 

Published in Movies this week