காட்சி ஆரம்பித்தவுடன் அப்படியே சரிந்து அமர்ந்துகொள்வேன். ஆடியன்ஸ் என்ன சொல்வார்களோ எனப் பதட்டமாக இருக்கும். இவை மணிரத்னம் சொன்ன வார்த்தைகள். அவருக்கே இப்படியென்றால், முதல்முறை இயக்கியிருக்குகும் எனக்கெல்லாம் உதறும் என்றுதான் நினைத்தேன். ஆனால் அப்படி ஏதும் நடக்கவில்லை. ஒருவேளை மணிரத்னம் பேட்டியைப் பார்த்து தைரியமாகிவிட்டேனோ!
Focus Audience show - என்பது வழக்கமான ப்ரிவியூ அல்ல. படம் முடிந்ததும் ஆடியன்ஸ் ஒவ்வொருவரிடமும் அவர்கள் கருத்தைக் கேட்டு, அதை பதிவு செய்து கொள்வது. பிறகு நமது குழுவுடன் அந்தக் கருத்துக்களை அலசி, அதற்கேற்ப படத்தில் மாற்றங்களை செய்யலாமா? வேண்டாமா? என்பதை தீர்மானித்துக் கொள்ளலாம். ரிலீசுக்கு முன் இதைச் செய்ய சிறப்புத் துணிச்சல் வேண்டும். ஏனென்றால் அந்தக் கருத்துகள் நம்மை குழப்பிவிடக்கூடும்.
குழம்பிப் போன அனுபவம் எனக்கு ஏற்கனவே இருந்தது. ஏனென்றால் Focus Audience show-விற்கான முன் தயாரிப்புகள் ஏதும் இல்லாமல், சிறப்புக் காட்சிகளுக்கு ஏற்பாடு செய்துவிட்டேன். இம்முறை சற்று தெளிவாக நடந்து கொண்டதால், கருத்தைக் கேட்ட எனக்கும், படம்பார்த்து கருத்தைச் சொன்னவர்களுக்கும் எந்தக் குழப்பமும் இல்லை.
கடந்த மாதம் சித்ரா லட்சுமணன் ”படம் எந்த ஸ்டேஜ்ல” இருக்கு என்று அக்கறையுடன் விசாரித்து, சில யோசனைகள் சொன்னார். அதற்குப்பின்னர்தான் Focus Audience show நடத்தினேன். ஓவியர் ஜீவா, ”படத்தைக் காட்டவே மாட்டீங்களா?” என்று அவ்வப்போது செல்லமாகக் கடிந்து கொள்வார். இன்று நண்பர் ஆந்தைக் குமார், சில யோசனைகள் சொன்னார். எனது சகோதரர் ரவிகுமார், படத்தில் சித்தப்பா சோலை ஆகிய இருவரும் தினசரி ”ரிலீஸ் திட்டம்” பற்றி கேட்கத் துவங்கிவிட்டார்கள்.
சிறப்புக் காட்சியில் ஆடியன்ஸ் தந்த தெம்பில் கூறுகிறேன், நான் இயக்கியுள்ள யாதெனக்கேட்டேன் விரைவில் ரிலீஸ்!
- ISR Selvakumar, YadenaKaten Director
